ما بصدق (I can not believe)

من الشعراء السودانيين الوطنيين المميزين شاعرنا المبدع بكل ماتحمل كلمة (إبداع ) من معنى فهو شاعر سوداني متنوع كتب عن الوطن الحبيب وعن معاناة محمد احمد المسكين  وكتب عن الحبيبة .

من أجمل ما كتب شاعرنا  شمس الدين حسن خليفة قصيدة الوطن "مرحبتين بلدنا حبابة" الذي الهمه بكتابتها إبنه احمد فور وصولهم من مصروقد ساله ابنه ببراءة الاطفال (إنت ليه يا أبوي جبتنا من البلد السمحة ديك للبلد الكلّها تراب وكتاحة)؟؟؟ فأجابه فوراً يا ولدي ياها دي بلدنا كان بسمومها كان بترابها . 
مطلع القصيدة:

مرحبتين بلدنا حبابا ٭٭ حباب النيل حباب الغابة
ياها ديارنا نحن احبابا٭٭ نهوى عديلا نرضى صعابا
٭٭٭
نعشق شمسها الحرَّاقة ٭٭ تلهب في النفوس دفَّاقه
نحن شعارنا حب وصداقه٭٭ للناس الصفت أخلاقا
٭٭٭
نحن بلدنا نتحدَّابا ٭٭ بي خيرا الوفير وشبابا
لو ننهض جميع بصلابة ٭٭ ما بتلقونا تاني غلابه
٭٭٭
نحن بلدنا بي خيراتا ٭٭ البلد البتشبها ياتا
هِيَّ حياتنا واحن حياتا ٭٭ مادايرين بلاها وحاتا

من الأمس بصوت الفنان حسن خليفة العطبراوي 
إنسخ الرابط والصقه

https://www.youtube.com/watch?v=t25eGRoROeg
اليوم بصوت المبدعة نانسي عجاج
إنسخ الرابط والصقه
https://www.youtube.com/watch?v=wxQ3ZcBXpQY

لم يكن شاعرنا نمطياً فقد كتب الشعر بطريقته الجميلة حيث كتب القصيدة العربية بقافية إنجليزية وحينما تسمعها أو تقراها تشعر بأن من كتبها يحمل ذخيرة لغوية من الكلمات العربية والإنجليزية ومن تلك القصائد قصيدة (ما بصدق )(I can not believe)

انسخ الرابط والصقه

<iframe width="854" height="510" src="https://www.youtube.com/embed/PCBGpiJQNJM" frameborder="0" allowfullscreen></iframe>

I can not believe

شعر الأستاذ / شمس الدين حسن خليفة

علي وزن الأغنية الرائعة غصن الرياض المائل
I can not believe my eyes
في ذكراك حبيبك ديمة till he dies
مجنون أكيد وما هو wise

 I saw في الصباح والساعة كانت nine
وsweet الحديث أسكرني زى الـ wine
And you disappeared ليك ستة يوم ما باين
يا prince الجمال صدقني I will sign

If you play معاي طوالي seek and hide
هارتي معاك مجابد وانت بالك wide
Who will save_ ni منك ويبقي on my side
أغثني before أضيع ويقولوا ليك he died

Busy في نار هواك طوالي day and night
مقطوع الـ breath وأنا صدري صار في fight
ما فارز يمين my left من my right 
هل هذا الصدود بالله منك right

الحاصل عليّ ما سمعته all my life
Burning مهجتي وفي هارتي غارز knife
و أنا serious صحيح ما تقولي واحد هايف
Your hand طالبها عشان تبقي لي my wife 

التحية للمبدع شمس الدين حسن خليفة المبدع (الأمدرماني) الذي تنقل بين عطبرة (بلد الحديد والنار) حيث كان مفتشاً للصحة المهنية  وبين جبال جنوب كرفان حيث كان مفتش أول صحة المديرية حينها . 

2015 دبي