جدي سعيد ولد بادي العكودابي من اروع ماكتب الشاعر محمد بادي
قصيـدة للشاعر الفـذ محمـد بـادي
هذه قصيدة رثاء جميلة وكلماتها منظومة درراً
بعد عشرين حسبتها يابا يوم فوق يوم وعام فوق عام
حنينكم طش فى طشيش
ويا مالقيت تملى الحنين جمام
اتلفحت شال الشوق احادى الراحلة لا قدام
كسحت شمال وحس طنبوركم الولوال نحاس ابواتكم الرزام
صليلن يصحى فى الشوق اذا ما نسم النسام
نزلت قرير اهالى الشان يعشو الضيف بخيلن فنجرى وعزام
كرفت الطينة ارث الفات
وما كفانى الا بركت فوق الدار واتنسمت من السام
شرفت على رمال القوز
واترحمت على حرزا هناك مركوز
على راسم سريع النهمة كان ودتوم وكان فى الماضى مو نوام
ردفت الصيحة فوق الصيحة واتحزمت ابكى رجال
بكيتَ سيوفن المدروعة فى الحيطان
وزى ما هم رقادن طال رقادن طال
بكيت فرواتن المفروشه للجهال
ويا ما قال ويا ما قال ويا ما عرض الصهال
نشدت الفى الضريح راقدين عليكم الله يا خالدين
عليكم عزتن كانت زمن زينكم
ودنياكم لبن معسول وتشربوا فيها بى هينكم
جدى سعيد ولد بادى العكودابى دحين يا ابواتى كان بينكم؟
قالوا اتربى فوق خيلكم ويوم الحارة شايل شيلتو من شيلكم
وقالوا الهيلو، كانت في العرف، هيلكم
يخالطكم قداحة الخير ويتحزم وكت شينكم
قالوا أماتو مو دابن
عقاب التيه ما بهابن
حناضل المره شرّابن
وشكاراتو سمعن قولى قالن سى بدن شكرو
وقالن لى يمين ما قلت فى جدك كلام قدرو
وكل القلتو فيه قليل وما قارب عشر عشرو
الصهالة والوقالة والرقالة وام غره هو ركابن
الجهنية والقطنية والمحوية وام درة الباريها حلابن
العشاية والشاشاية والسباية وام ضرة لى ضيفانو بسخابن
المزروعة والمقروعة والمفدوعة لا برة متمسح ديمة قيسابن
المفزوعة والمقلوعة والممنوعة بالمرة كان من مافى جيابن
راكب الفصلوا انسابن ودايما قدمو فى ركابن
اسود الغابة غلابن وبعرف يكسر انيابن
حلفوا الشافوا قدحو الحار وشافو كتار وماهو كضب
قالوا وساعو مركب زان يشيل اطنان وخرسو هلب
جفير سكينو دمو ينز وداك برادو واسكت كب
اهل السايحة والمتراوحة خاتمة وعاقبة بى قدامو سوا درب
ده ماهو كتير على ولدا مربى على ضفاف النيل
ويوم ولدوه دفنو ابواتو صرتو فوف مراقد الخيل
عكود الكان بعبر الكيل
جاتو الدنيا هينة ولينة بالخيرات مشيلة شيل
سواقى تسوق تلوت الليل
ونخلوا متنى شايل العجوة والقنديل
عيوشو مصوبرات كيمان
وعيش الريف ولد تيمان وخاتى البودة والعسيل
ده شيتا كم دقون شافنو
بين شفقة وحرص عبدنو
والعقال لعابن يسيل
الا سعيد الطلق الزايلة وخطب بى مالو دارا خالدة كان عزام وباعو طويل
بساطو الاحمدى المحضور
غدا وعشيات ملاقية فطور
وديمة ضيوفو ديل فوق ديل
يختف من مطايب الدكة لى ضيفانو مو ضباح حميل وسخيل
طحاناتو ما نامن
جبال اللقمة كم عامن
فوق سمنا مصفى تقيل
ويومو الودع الحبان
ونورو الضاو تحت التراب ما بان
كان الفقد فيهو كبير
وكان اليوم ده ما خاتنو فى الحسبان
وكان ميراثو كل ميراثو
قدحا ناز وسيف فولاذ وفروة ناس اصال وعزاز
وسبحة ملانة يا حنان ويا منان
قبل العم وقبل الخال بكوا العدام ..
بكوا الايتام
بكى الكرم الصبح
مشلول وكل ابواتو راحو وغابو فى الرهبان
ونحن عشنا لا زمناً
قبل ما يبنوا فيه البيت يكوسو الطبلة والجنزيز مع البيبان
زمان الصالة والصالون
زمان الرغوة والبالون
حليل الكان
حليل الدانقة والديوان
حليل النافق اموالو وتدى يمينو وما تعرف حسابو شمال
خليك من يعرفوا فلان
ده كلو فضيلة فى الاجداد ابت ما تبقى فى الاحفاد
ومسكت فى النعوش الطاهرة واندفنت مع الجثمان
وكل مكارم العابرين معاهم راقدة فى شبرين
وبقت امجادنا كانوا زمان وكانوا زمان
شرح لبعض الكلمات :
الصهالة والوقالة والرقالة :الصهالة معروفة من الصهيل الوقالة:وفرسٌ وَقِلٌ، بالكسر، إذا أحسن الدُخول بين الجبال.يعني بعيد النظر الرقالة:وأَرْقَلَت الدابةُ والناقةُ إِرقالاً: أَسرعت.
الجهنية والقطنية والمحوية :الجهنية:وجارِيَةٌ جُهانَةٌ، بالضم: شابَّةٌ.القطنية:قطِنة وهي ما بين الفخذين.والقَطِنة اللحمة بين الوركينالمحوية:تعني ملساء الظهر
هذه قصيدة رثاء جميلة وكلماتها منظومة درراً
بعد عشرين حسبتها يابا يوم فوق يوم وعام فوق عام
حنينكم طش فى طشيش
ويا مالقيت تملى الحنين جمام
اتلفحت شال الشوق احادى الراحلة لا قدام
كسحت شمال وحس طنبوركم الولوال نحاس ابواتكم الرزام
صليلن يصحى فى الشوق اذا ما نسم النسام
نزلت قرير اهالى الشان يعشو الضيف بخيلن فنجرى وعزام
كرفت الطينة ارث الفات
وما كفانى الا بركت فوق الدار واتنسمت من السام
شرفت على رمال القوز
واترحمت على حرزا هناك مركوز
على راسم سريع النهمة كان ودتوم وكان فى الماضى مو نوام
ردفت الصيحة فوق الصيحة واتحزمت ابكى رجال
بكيتَ سيوفن المدروعة فى الحيطان
وزى ما هم رقادن طال رقادن طال
بكيت فرواتن المفروشه للجهال
ويا ما قال ويا ما قال ويا ما عرض الصهال
نشدت الفى الضريح راقدين عليكم الله يا خالدين
عليكم عزتن كانت زمن زينكم
ودنياكم لبن معسول وتشربوا فيها بى هينكم
جدى سعيد ولد بادى العكودابى دحين يا ابواتى كان بينكم؟
قالوا اتربى فوق خيلكم ويوم الحارة شايل شيلتو من شيلكم
وقالوا الهيلو، كانت في العرف، هيلكم
يخالطكم قداحة الخير ويتحزم وكت شينكم
قالوا أماتو مو دابن
عقاب التيه ما بهابن
حناضل المره شرّابن
وشكاراتو سمعن قولى قالن سى بدن شكرو
وقالن لى يمين ما قلت فى جدك كلام قدرو
وكل القلتو فيه قليل وما قارب عشر عشرو
الصهالة والوقالة والرقالة وام غره هو ركابن
الجهنية والقطنية والمحوية وام درة الباريها حلابن
العشاية والشاشاية والسباية وام ضرة لى ضيفانو بسخابن
المزروعة والمقروعة والمفدوعة لا برة متمسح ديمة قيسابن
المفزوعة والمقلوعة والممنوعة بالمرة كان من مافى جيابن
راكب الفصلوا انسابن ودايما قدمو فى ركابن
اسود الغابة غلابن وبعرف يكسر انيابن
حلفوا الشافوا قدحو الحار وشافو كتار وماهو كضب
قالوا وساعو مركب زان يشيل اطنان وخرسو هلب
جفير سكينو دمو ينز وداك برادو واسكت كب
اهل السايحة والمتراوحة خاتمة وعاقبة بى قدامو سوا درب
ده ماهو كتير على ولدا مربى على ضفاف النيل
ويوم ولدوه دفنو ابواتو صرتو فوف مراقد الخيل
عكود الكان بعبر الكيل
جاتو الدنيا هينة ولينة بالخيرات مشيلة شيل
سواقى تسوق تلوت الليل
ونخلوا متنى شايل العجوة والقنديل
عيوشو مصوبرات كيمان
وعيش الريف ولد تيمان وخاتى البودة والعسيل
ده شيتا كم دقون شافنو
بين شفقة وحرص عبدنو
والعقال لعابن يسيل
الا سعيد الطلق الزايلة وخطب بى مالو دارا خالدة كان عزام وباعو طويل
بساطو الاحمدى المحضور
غدا وعشيات ملاقية فطور
وديمة ضيوفو ديل فوق ديل
يختف من مطايب الدكة لى ضيفانو مو ضباح حميل وسخيل
طحاناتو ما نامن
جبال اللقمة كم عامن
فوق سمنا مصفى تقيل
ويومو الودع الحبان
ونورو الضاو تحت التراب ما بان
كان الفقد فيهو كبير
وكان اليوم ده ما خاتنو فى الحسبان
وكان ميراثو كل ميراثو
قدحا ناز وسيف فولاذ وفروة ناس اصال وعزاز
وسبحة ملانة يا حنان ويا منان
قبل العم وقبل الخال بكوا العدام ..
بكوا الايتام
بكى الكرم الصبح
مشلول وكل ابواتو راحو وغابو فى الرهبان
ونحن عشنا لا زمناً
قبل ما يبنوا فيه البيت يكوسو الطبلة والجنزيز مع البيبان
زمان الصالة والصالون
زمان الرغوة والبالون
حليل الكان
حليل الدانقة والديوان
حليل النافق اموالو وتدى يمينو وما تعرف حسابو شمال
خليك من يعرفوا فلان
ده كلو فضيلة فى الاجداد ابت ما تبقى فى الاحفاد
ومسكت فى النعوش الطاهرة واندفنت مع الجثمان
وكل مكارم العابرين معاهم راقدة فى شبرين
وبقت امجادنا كانوا زمان وكانوا زمان
شرح لبعض الكلمات :
الصهالة والوقالة والرقالة :الصهالة معروفة من الصهيل الوقالة:وفرسٌ وَقِلٌ، بالكسر، إذا أحسن الدُخول بين الجبال.يعني بعيد النظر الرقالة:وأَرْقَلَت الدابةُ والناقةُ إِرقالاً: أَسرعت.
الجهنية والقطنية والمحوية :الجهنية:وجارِيَةٌ جُهانَةٌ، بالضم: شابَّةٌ.القطنية:قطِنة وهي ما بين الفخذين.والقَطِنة اللحمة بين الوركينالمحوية:تعني ملساء الظهر
تعليقات