حكاية القرادة والجمل
حكاية القرادة والجمل كلكم تعرفون بطلة الحكاية دي ركبت متطفلة في جمل جاي من القضارف محمل عيش -ذرة- ولما وصلت العاصمة سألوها الجابك شنو من القضارف ؟؟؟ قالت : والله انا والجمل جبنا العيش من القضارف : قصة القرادة لها وجهان : الوجه الأول بدلاً من ان تشكر الجمل علي جلبها للعاصمة قالت هي التي جابت العيش مع الجمل من القضارف : الوجه الثاني القرادة حفظت للجمل حقه وما قالت أنا الجبت العيش من القضارف ومابقت زي الناس اللي لما ينجح بعمل مشروع بمساعدة آخرين ينسب النجاح لنفسه ويمسح الركائز التي استند عليها في مسيرته واللا رايكم شنو في القرادة السودانية دي ؟؟؟؟؟؟؟؟؟؟؟؟؟؟؟؟؟